دخل عمو المُبتسم على الصيدلية وكان طلبه علبة ديكلون بس مو أي ديكلون !
حصراً ديكلون بالبوتاسيوم ( ديكلوفيناك البوتاسيوم )
ولما سألته عن سبب إصراره عليه كان الجواب إنو هاد الديكلون ما بيرفع الضغط !
وحب عمو يشرحلي أكتر وتابع : يا دكتورة الديكلون العادي هاد فيه صوديوم وإنتي سيد العارفين أنو الصوديوم بيرفع الضغط .. أما هاد البوتاسيوم مابيرفعه وأنا زلمة بخاف على ضغطي ..
( تمنيت لو بقدر قله ياريتك فكرت بضغطي كمان !! )
⚠️• للأسف من الأخطاء الشائعة جداً إنو ديكلوفيناك الصوديوم والبوتاسيوم الفرق بينهم مرتبط بالتأثير على الضغط !
لكن بالحقيقة التنين بيملكوا تأثير على ضغط الدم وهالتأثير عائد لمادة الديكلوفيناك مو للأملاح المضافة !
لكن شو شغلتها هالأملاح المُضافة ؟!
بسيطة كتير !
⚠️ ديكلوفيناك البوتاسيوم كتير دوا مولوش وطفش !
بسكنلك ألمك بسرعة ولفترة قصيرة وبيحمل حاله وبروح !
⚠️ أما ديكلوفيناك الصوديوم دوا رايق و عالهدا ..
بيتأخر شوي ليبدأ تأثيره لكن بيعطيك شي يعجبك وترجع لعنده !
يعني في حال كنت مستعجل على إنك ترتاح من الألم بتاخد يلي مع بوتاسيوم .. ولو كنت صابر وراضي بهدف تاخد تسكين بيدوم أطول بتاخد يلي مع صوديوم ..
أما عمو فكان مستعجل يروح لأنه خلاني احكي كل يلي حكيتلكم ياه بدقيقة 🙃
مــــيددوز ~ مـــــصدرك للـــــمعلومات الـــــطبية الــــــموثوقة 🛡
(ميددوز)
❤
شكرااااااا
ممكن تخبرونا ليش ارقام الاستشارة عالواتس وصندوق الرسائل ليش ما بردو بعتنا اكتر من مرة
وبيجي واحد مخو شغال مزبوط وبيسفق حبتين صوديوم وبوتاسيوم سوا مشان يهدا الوجع بسرعة وبيدوم اكتر
♥️♥️♥️