اختيار الفرع المناسب بأفضل طريقة

🔴هام جداً|| اختيار الفرع المناسب بأفضل طريقة✅

بالعادة وقت بدك تسأل أشخاص عن فرع معين رح يحطولك ألف حجة فيه مهما كان هالفرع منيح، وممكن تسأل شخص عن فرع عادي ويعمللك ياه شي رائع🤷🏻‍♂️
وأكيد أنت إذا سألت شخص راسب بيكره فرعوا رح يأحبطك كتير، وإذا سألت شخص ناجح متفوق رح يدعمك كتير❤
بس للأسف غالبا ثقافة اللي عنا ضعيفة كتير يعني انت عم تسأل طالب جامعي حتى هو ما بيعرف شو بدو يصير لهيك رح تلاقي إجابات مختلفة…
أفضل طريقة لتختار فرعك هي أنت شو بتحب:
مثلا بتحب الإنسان والتشريح والمجال الطبي نوعا ما في عندك طب وتعويضات ومعهد صحي وطبي وحتى بيولوجيا وعلوم صحية بتقرأ عنهن وبتختا اللي بناسبك أكتر💓
بتحب مثلا الرسم والشي اللي الو علاقة بالبناء والتصميم في عندك مدنية وعمارة ومعهد هندسي وهيك…
والأمثلة كتيرة
ووقت بدك تسأل حدا عن فرعو لا تسألو إذا هالفرع سهل أو صعب، لانو هي شغلة نسبية ومافي عننا فرع سهل وكل فرع فيه عشرات الأشخاص عم يأبدعوا فيه ممكن تكون انت منهم❤
ولا تسأل شو هي مجالات العمل لأنو حتى الطالب اللي رح يتخرج ما بكون بيعرف شو ممكن يصير ممكن مثلا يتوظف بشي وظيفة عامة او يتوظف بشي وظيفة خاصة أو يفتح مشروعو الخاص أو ممكن يكفي ماجستير وبعدين دكتوراه ويصير دكتور جامعة وممكن يتخرج وما لاقي شغل أبدا هي الشغلة ع حسب أنت❤💪
المطلوب منك تقرأ عن الفرع ومعلومات عنو وشو هي كل مجالات العمل المتاحة إذا أمكن وبغض النظر عن رأي حدا الشخصي💓💓
طيب ضياء فيك تشرحلنا عن الأفرع بالطريقة اللي عم تحكي عنها أنت…
تكرم عيونكن بالتعليقات رح حطلكن شرح كل الأفرع بالتفصيل وعن المواد وفيكن تسألوا عن شي بخص هالفرع

عند النسخ يرجى ذكر المصدر
ضياء ناصيف
Deaa Naseef