درهم وقاية خير من قنطار علاج من كم يوم راجعتني مريضة أربعين

درهم وقاية خير من قنطار علاج
من كم يوم راجعتني مريضة أربعينية عم تشكي من :
« نزف نسائي متقطع »

بلشت قصتها من تسع شهور تقريباً …. ما أهتمت و لا أكترثت بالموضوع …. لحتى ما بلش جوزها يشكي و يتأفف من النزف اللي عم يصير بعد كل جماع .
وقتها و قتها بس …. قررت مراجعة الأطباء من عيادة لعيادة و من علاج لعلاج بدون فائدة .

بآخر المطاف … قرروا يعملولها

كوي لعنق الرحم

و

( هون كانت الطامة الكبرى )

المريضة راجعتني … الفحص تبين أن شكل وحجم عنق الرحم غير طبيعي … لهيك قررت إجراء

خزعة من عنق الرحم

اليوم … طلعت النتيجة …. و مع الأسف كانت كارثية
﴿ سرطان عنق رحم غازي درجة تالتة ﴾

* وع فكرة هي الحالة رقم 22 اللي بتراجعني من أول السنة لليوم و بتشخص عندها سرطان عنق رحم .

– من وقت ما طلعت المريضة من عندي و أنا عم بسأل حالي …؟!!!

– مين المسؤول عن تفاقم الحالة …؟!! و يا ترى لو من تسع شهور تشخص المرض كيف

كان الوضع …؟!!!

“” “”

سرطان عنق الرحم

يعتبر ثاني أكثر أنواع السرطانات شيوعاً و السبب الثالث لوفيات النساء ، يتطور المرض ببطء شديد و يمكن الشفاء التام منه إذا تم إكتشافه و معالجته وهو في مرحلة
( in suit)

أعراض المرض :

١. آلام حوضية متواصلة غير مرتبطة بالدورة .

٢. إفرازات مهبلية متواصلة قد تكون شاحبة

مائية أو لونها بني أو وردي ، دموية أو ذات

رائحة كريهة .

٣. ألم أثناء الجماع .

يكون الكشف المبكر عن المرض بإجراء

لطاخة عنق الرحم Pap Smear و التي

« تجرى لكل النساء في سن النشاط التناسلي »

نصائح ذهبية
رجاءً رجاءً رجاءً …

1. إذا كان عمرك بين 21 – 65 سنة أعملي اللطاخة مرة كل 3 سنوات .

2 . لا تهملي أي عرض غير طبيعي … راجعي فوراً طبيبك .

3 . لا تعملي كوي لعنق الرحم قبل إجراء اللطاخة .

لطاخة عنق الرحم متوفرة و بشكل مجاني في كل المراكز الصحية و المشافي الحكومية .

د . أمين صالح قبنض

(سماعة حكيم)