ليش المتل بيقول اوعك تكب المي عالزيت المغلي ؟
شوف الفيديو أول بعدين بتقرأ البوست !!
بالفيديو هاد العامل عم يحاول يطفي الزيت المشتعل، أول شي عملو انه صار يهوي عليه، بعدين حاول يطفيه بسكب المي .. فصار الانفجار .. ليش هيك صار؟ وكيف منتعامل مع هيك حالة؟ ولما الشخص ينصاب بحرق أو يشوف اشتعال شو بيتصرف؟؟
أول غلط ارتكبو العامل انو صار ينفخ عالزيت المشتعل وهاد بيزيد الاكسجين وبالتالي بيزيد الاشتعال، لو صينية معدنية حطها عالزيت وسكر الهوا كان طفى الزيت بكل بساطة، فالفكرة انو نمنع الاكسجين عن النار.
فكرة سكب المي عالزيت المغلي خطيرة لأنو الزيت ما بيدوب بالمي، ولما نسكب مي عالزيت المغلي رح تتطاير ذرات الزيت المتبخر مع المي وتنشر النار..
لما شخص يشوف حدا عم يحترء بعيد عنكم: أهم شي نقطع الاكسجين عن النار، ممكن نغطيه بأي شي متل حرام أو بطانية أو أي شي ورح توقف النار فوراً، وانو يركد الشخص اللي عم يحترء فهاد منعكس طبيعي لكن هوو رح يزيد الاشتعال، الصح انو نخمد النار بفصلها عن الهوا وخلي الشخص المحترق يتسطح على الأرض ويتدحرج .
كل الأمنية للجميع بدوام العافية.
د. سومر شلبي Somar shalaby.
الفيديو منقول
(سماعة حكيم)
الله يلطف بالجميع
شكرا للمعلومة