أربع نصائح للحصول على بشرة رائعة😍:
كل الصبايا بيحبوا يحافظوا على جمال بشرتهم وتألقها👸 ، وبينفقوا أموال كثيرة لشراء كريمات غالية الثمن للحصول عهالغاية، بس للأسف في تفاصيل صغيرة مابينتبهوا عليها بتخلي هالحلم يذهب أدارج الرياح😥….
ولهيك حخبركم عن أهم العادات يلي بنعملها وكيف فينا نصححها:
🔹️-عدم استخدام الواقي الشمسي:
يؤدي لظهور التجاعيد بشكل أسرع ، لهيك لازم نضع دوماً الواقي الشمسي قبل الخروج من المنزل بنصف ساعة ويفضل وضعه بعد مانطبق كريم مرطب على وجهنا .
وفي حالة ضلينا بالشمس أكتر من ساعتين لازم نرجع نحط منه مرة تانية وبمجرد وصولنا على البيت نغسل وجهنا.
🔹️-كثرة تناول الأطعمة الغنية بالسكريات🍰:
مافي اطيب من الشوكولا🍫 والحلويات يلي بعشقها بكل أنواعها وصراحة لماعرفت هلمعلومة زعلت كتير🙁 .
تناول السكريات بكثرة من ألد الأعداء للبشرة يلي بيأدي لزيادة خطر الالتهابات والبثور والحبوب والتجاعيد كمان
لهيك خففت من الحلويات والسكريات بشكل كبير وبنصحكم تعملو نفس الشي.
🔹️-عدم شرب كمية كافية من الماء💦:
هالشي بيأدي لجفاف البشرة وبالتالي بتفقد نضارتها وبيزيد ظهور الخطوط الرفيعة والتجاعيد.
لهيك لازم نشرب كمية كافية من الماء يومياً ونكثر من تناول الخضراوات والفواكه ونقلل قدر المستطاع من القهوة والمشروبات التي تحتوي على الكافئين .
🔹️-اتباع ريجيم قاسي غير مدروس:
بالإضافة لآثاره السلبية على صحة الجسم بشكل عام، حينعكس أيضاً سلباً على وجهنا ويفقده النضارة والحيوية.
لهيك لازم نحرص يكون نظامي غذائي متوازن غني بجميع العناصر الغذائية والفيتامينات.
وخاصة فيتامين c الضروري لإنتاج الكولاجين( البرتقال🍊، الكيوي🥝، الفراولة🍓).
وكمان ماننسى نتناول الفليفلة والبندورة🍅 الغنية بالليكوبين الضروري للحفاظ على جمال البشرة وحيويتها.
الصيدلانية راما الحلواني369 ❤
(سماعة حكيم)
❤❤
.
شكرا