أكيد ماما عم تعيط عليك وتقلك مو هيك تحملها وانتبه عراسها ورقبتها ولا تعصّ عليها هيك حرام هيي 🥺
لهيك منشان ما تتخانقوا قررت أنا أحسم الأمر وخبرك كيف بتلعبني رياضة بشكل صحيح وسليم وآمن 😌
👶🏼 أول قاعدة للعب الرياضة من عندي وما الها علاقة بالعلم 😁 أنو بلاها التياب خليني بس بالحفوضة لأني شخصياً بحب الفرفدة وشعور الحرية من التياب بس انتبه يكون جنبي دفا معتدل ان كنا بالشتي 🙄
👶🏼 منبلش بالعلم والجد .. أول تمرين عالأيدين منمسك الأيدين منرفعهن لفوق ، مننزلهن لتحت ، منقاطعهن مع بعضهن ، وبتخليهن يصفقوا سوا وحبذا لو يكونوا هدول مع ترديدك واح تنين فوق تحت وعلى أنغام أغنية بتحمس مو عياط ماما وبهدلتها 😂😬
👶🏼 التمرين التاني عالرجلين متل لو كنا عم نركب بسكليت فوق تحت فوق تحت 🚴
👶🏼 التمرين التالت متل بالصورة وضعية غليندايزر لتقوية عضلات الرقبة والبطن 💪🏻
👶🏼 التمرين الرابع تجبلي لعوبة بحبها وتخليني الحقها أو تهزلي بالخشخيشة وتجذبني امسكها 🤹
👶🏼 التمرين الخامس تعمل حركات غبية بوجهك وتخليني استغرب واضحك وحاول قلدك 😂
👶🏼 التمرين السادس تحكي معي ورد عليك مكاغاية واعاية شو ما كان وبيناتنا تروك هالمهمة للماما أحاديثها أحلى وأدسم منشان نعرف أخبار أطفال الحارة مو أخبار السياسة متلك يا نكد يا بابا 🙂😒
👶🏼 آخر تمرين تقرألي 😍 قصة ملونة وقصيرة عن أي شي المهم ضل عم أسمعلك وأتفاعل معك ❤️
معلومة عالهامش فيك تعلمني لغتين من أول خلقتي بفهم وبحفظ 👌🏻
وآخر شي حاول تبعد قدر الإمكان عن الهز العنيف لأنو منكون بلعب منصير بنزيف دماغي ومرض وموت لا سمح الله 😢
بحبك ماما وبحبك بابا ♥️
كنت معكم سَماح صالح محمد ♥️
إلى بابا
(سماعة حكيم)
المصدر :
https://kidshealth.org/en/parents/learnnewborn.html
Samah Saleh Mohammad
بعتنالكم رسالة على البرنامج صارلها يومين وما رديتو
تم
Maen Abou Saad ركزلي عالتمرين الخامس وعلى أخر شي
كيف فينا نعلم الولد لغتين مافهمتا هي الفكرة ؟